100.000 færri ferðafólk við strandfaraskipunum

Skipini hjá Strandferðsluni og Jósup fluttu fleiri enn 100.000 færri ferðafólk í fjør enn í 2019.

Og akførini vóru stívliga 30.000 færri.

Flestu ferðafólkini og flestu akførini eru á Suðuroyarleiðini og síðani kemur Sandoyarleiðin.

At færri útlendsk ferðafólk eru nú, sæst á Mykinesleiðini. Har vóru næstan 30.000 ferðafólk teir fimm mánaðirnar, siglt varð í 2019.

Í fjør vóru ferðafólkini 10.614 í seks mánaðir.

320.000 fólk við Bygdaleiðum

Bygdaleiðir høvdu knappliga 320.000 ferðafólk, 180.000 færri enn í 2019.

Tey flestu brúka leið 400, Tórshavn-Klaksvík.

Minsta leiðin er leið 442, Glyvrar, Æðuvík og Rituvík. Har vóru 458 ferðafólk í 2019 og 350 í fjør.