Venjingarskúlan afturfyri ein part av Hoydølum

Landið fær restina av Venjingarskúlanum.

Býráðið fær millum annað gamla skúlabygningin í Hoydølum.

Tað er uppskotið, sum Mentamálaráðið og býráðið í Havn samráðast um nú. 

Sum støðan er nú, eigur Tórshavnar Kommuna í útgangsstøðinum 40 prosent av økinum og bygninginum, sum gamli Venjingarskúlin húsaðist í.

Tað almenna eigur 60 prosent.

Ein arbeiðsbólkur viðger nú, hvussu gerðabýti kann fara fram.

Í arbeiðsbólkinum eru fólk úr býráðnum í Havn og løgfrøðingar úr Mentamálaráðnum.

Arbeiðið skal eftir ætlan vera liðugt 15. februar.