Starvsmannafelagið ætlar at broyta navn

Starvsmannafelagið vil hava nýtt navn. Í hesum sambandi skipar felagið fyri eykaaðalfundi týsdagin 9. februar, har limirnir skulu taka støðu til navnabroyting.

Í fráboðanini til limirnar verður einki sagt um, hvat navnið verður, men á eykaaðalfundinum er uppskot frá nevndini um viðtøkubroyting um at broyta navnið á felagnum, sum verður 60 ár 23. februar.

Nýggja navnið verður so kunngjørt á 60 ára degnum. Støðan við koronu ger, at limir, sum ætla sær á eykaaðalfundin, skulu boða frá í seinasta lagi 5. februar. Teir verða síðani kunnaðir um, hvussu fundurin verður hildin.