Skal radari byggjast í Føroyum?

Tað er ein partur av tí sokallaða arktiska kapasitetspakkanum hjá danska verjumálaráðnum, at ein radari skal setast upp í Føroyum.

Hann skal koma í staðin fyri sløkta radaran, sum frammanundan stendur á Sornfelli.

Danmark er undir trýsti frá USA og NATO, tí hesi vilja hava betri yvirlit yvir økið kring Føroyar og vilja síggja flogfør og skip, sum ferðast her. 

Verju-, trygdar- og uttanríkispolitikkur eru danskt málsøki og tí kunnu danir avgera sjálvir, um ein radari skal byggjast, men lagt er upp til samstarv millum londini.

Vit spyrja limir í uttanlandsnevndini um løgtingið skal fáa málið til støðutakan, og um vit eru sinnaði at lata onnur byggja ein radara í Føroyum, sum eisini hevur hernaðarligt endamál.

Luttakarar:

Andreas Krog, redaktørur á Altinget.dk, Bill Justinussen, Annika Olsen, Høgni Hoydal og Aksel V. Johannesen.