Strangari eftirlit við búnaðarstuðli

Strangari eftirlit verður nú við, at landbúnaðarstuðul verður brúktur rætt.

Búnaðarstovan sigur í fráboðan um broytta mannagongd, at Landsgrannskoðanin kannaði í 2019, hvussu Búnaðarstovan umsat landbúnaðarstuðulin.

Niðurstøðan var, at umsitingin var ikki í fullum samsvari við ásetingarnar í kunngerðini um stuðulin.

Sagt verður, at tey, sum fáa stuðul, skulu lata Búnaðarstovuni fullfíggjaðan grannskoðaðan roknskap sum váttan.

Strangari eftirlit verður við, um, og í hvønn mun, tann, sum fær stuðul, lýkur treytirnar fyri stuðlinum.

Verða treytirnar ikki hildnar, kann stuðulin fella burtur.