Heldur fram sum forkvinna

Óluva í Gong heldur fram sum forkvinna í felagnum hjá føroyskum sjúkrarøktarfrøðingum.

Freistin at stilla upp var úti í gjár, og eingin stillaði upp móti Óluvu í Gong.

Hon tekur tí fýra ár afturat sum forkvinna. 

Óluva í Gong gjørdist forkvinna í felagnum hjá sjúkrarøktarfrøðingunum í 2012, tí tá var hon næstforkvinna og tók við, tá forkvinnan fór frá.

Óluva í Gong varð vald fyrstu ferð í 2013.

Sjúkrarøktarfrøðingarnir hava aðalfund 20.mars.