Danir fáa koronupass

Danska stjórnin fer at kunngera eitt koronupass í dag. Tað skrivar danska TV2.

Tíðindafundur verður í fíggjarmálaráðnum klokkan 9:30 okkara tíð, tá umboð fyri vinnulívið og fíggjarmálaráðharrin fara at kunna um skipanina.

Sambært TV2 verður talan um eitt talgilt pass, og tað er serliga ætlað vinnulívinum og teimum, sum ferðast í arbeiðsørindum.

Væntandi verður skipanin klár at taka í nýtslu um ein mánað, og passið vísir, um tú ert koppsettur fyri koronu.

Seinni er ætlanin, at passið eisini skal vísa, um fólkið hevur andevni móti koronu.