Ritan aftur í sigling hálvan februar

Strandfaraskipið, Ritan, verður flotað aftur í næstu viku, men hon fer ikki aftur í sigling beinan vegin. 

- Royndartúrar skulu gerast, áðrenn Ritan aftur fer at røkja siglingina millum Hvannasund, Fugloy og Svínoy, sigur Jóhan Petur Abrahamsen, rakstrarleiðari á Strandferðsluni.

Ritan fór á sleipistøð í Havn 8. desembur í fjør, og nógv arbeiði er gjørt. 

Í viku sjey, sum er 15. februar, fer Ritan aftur at røkja farleiðina millum oyggjarnar, men óvist er, nær í vikuni siglingin byrjar.