- Tíðindi, mentan og ítróttur
Færri ungfólk í Danmark roykja
Færri ungfólk í Danmark roykja
Eftir trimum árum er talið á teimum, sum roykja hvønn dag, minkað úr 12 niður í seks prosent
At tað er vorðið dýrari at roykja, sæst aftur í hagtølunum
12.02.2021 - 10:51
Tað er dýrari og truplari at roykja, og tað sæst aftur í hagtølum fyri ung í Danmark, sum roykja.
Eftir trimum árum er talið av 18 til 19 ára gomlum, sum roykja dagliga, minkað úr 12 niður í seks prosent, skrivar Ritzau.
Gera javnan kanningina
Tølini eru frá danska Krabbameinsfelagnum og TrygFonden, sum gera hesa kanning javnan.
Gongdin hjá 14 - 17 ára gomlum er tann sama. Men serligt fokus er á eldri roykjarar, tí teir í størri mun halda fram við at roykja.
– Vit fegnast um, at dagliga nýtslan av sigarettum minkar. Tí helvtin av teimum, sum fara at roykja, doyggja av tí onkursvegna, sigur Mette Lolk Hanak, átaksleiðari hjá danska Krabbameinsfelagnum.
Er kopiera
Nýggjastu sendingar í ÚV
Nýggjastu sendingar í SV
