28 fakfeløg: Armslongdin hvørvur fullkomiliga

28 fakfeløg mótmæla, at nevndin í landsbankin minkar, og at hon skal eisini vera búskaparráð.

Tey siga, at meginreglan um armslongd hvørvur fullkomiliga.

Í hoyringarskrivi, sum er sent Jørgeni Niclasen, landsstýrismanni, siga fakfeløgini, at tað er ein smeitur fyri samfelagið, at ein óheftur fíggjarligur stovnur, Landsbankin, sum tryggjar fíggjarligt støðufesti, greinar føroyska búskapin og kemur við eygleiðingum, verður niðurlagaður til ein politiskt heftan stovn, sum bara umboðar ein sera smalan part av føroyska samfelagnum. 

Í teimum 28 fakfeløgunum eru 15.000 limir, meira enn helvtin av føroysku arbeiðsfjøldini.