Fyrsta skotið fyri langhylinum latið av

Fyrsta skotið í sambandi við langhylin í Gundadali í Havn varð latið av seinnapartin. Tað vóru Heðin Mortensen, borgarstjóri, og Annfinn Brekkstein, varaborgarstjóri, sum trýstu á knøttin.

Byggifelagið J. & K. Petersen ger arbeiðið, sum fer at kosta 147,5 milliónir kr. Langhylurin skal eftir ætlan vera liðugur við árslok í 2023.

Arkitektafyritøkan SNA hevur teknað langhylin.

FINA verið uppií

Tórshavnar kommuna hevur í tilgongdini havt fundir við altjóða svimjisambandið FINA, sum hevur samskift við bygginevndina og teknisku fyrisitingina í komununi um staklutir í uppskotinum, so atlit verða tikin at øllum krøvum til altjóða kappingar.

Langhylurin í Gundadali kann umframt allar føroyskar kappingar eisini hýsa altjóða kappingum nógv áratíggju, sigur Tórshavnar kommuna.