Johnson&Johnson biður ES um góðkenning

Amerikanska heilivágsfyritøkan, Johnson & Johnson, hevur nú biðið evropeiska heilivágsstovnin, EMA, um treytaða góðkenning til sítt koppingarevni fyri koronu

Tað boðar EMA frá í dag.

EMA væntar at svara um ein góðan mánað, um koppingarevnið verður góðkent at brúka í ES-londum.

EMA sigur, at stovnurin hevur javnan mett um koppingarevnið frá Johnson & Johnson, og tí fer endaliga góðkenningin bara at taka ein mánað aftrat.

Hetta er tann fjóra vaksinan, sum verður latin EMA til góðkenningar, eftir Pfizer/Biontech, Moderna og AstraZeneca.