Ritan aftur í sigling

Strandfaraskipið, Ritan, fer í dag aftur í sigling millum Hvannasund, Svínoy og Fugloy.

Ritan fór á sleipistøð í Havn 8. desembur í fjør, og nógv arbeiði er gjørt.

Tað kostaði Strandferðsluni fýra milliónir at umvæla Rituna, segði Jóhan Petur Abrahamsen, rakstrarleiðari hjá Strandferðsluni, við útvarpið herfyri.

Fyrsti túrurin við Rituni, nú hon verður sett í sigling aftur, verður úr Hvannasundi klokkan 14:45 í dag.