SEV hevur eykaaðalfund

SEV hevur eykaaðalfund nú fyrrapartin.

Á skránni er m.a. val av nevnd. 

Tað eru kommunurnar, sum velja nevndina, og helst vera stórar broytingar gjørdar, tí bert tann eini nevndarlimurin í SEV varð valdur aftur á kommunuvalinum.

Tað er kortini ikki nøkur treyt, at nevndarlimur skal vera kommunustýrislimur, men tað hevur verið vanliga mannagongdin seinastu árini.

Arbeiðsleistur

Eykaaðalfundurin skal eisini umrøða ein arbeiðsleist fyri eftirmeting av bygnaði og gerð av møguligum tilmæli um broytingar í bygnaðinum í SEV.

Stórur áhugi er fyri eykaaðalfundinum í SEV, tí m.a. arbeiðir landsstýrið við at skilja netið frá SEV, so aðrir orkuveitarar kunnu nýta netið, sum SEV og kommunurnar eiga.

Vit frætta meir um eykaaðalfundin í SEV í tíðindunum á døgurða.