Løgmaður: Sambandið eigur uppskotið

Sambandsflokkurin eigur uppskotið um at leggja Búskaparráðið undir Landsbankan.

Tað segði Bárður á Steig Nielsen, løgmaður, í løgtinginum fyrrapartin, tá ófráboðaðir fyrispuringar vóru.

Skuldseting var um, at Sambandsflokkurin ger bara, sum Fólkaflokkurin sigur. Landsbankin er enn eitt dømi um tað, varð sagt.

Hetta vildi løgmaður ikki hava sitandi á sær.