Í samráð um fiskiveiðusamráðingar

Uttanlandsnevndin hjá løgtinginum vil vita, hvussu gongst við samráðingunum við Bretland um fiskiskap.

Nevndin hevur biðið Jacob Vestergaard, landsstýrismann, koma í samráð fyrrapartin mikudagin.

Ein rammusáttmáli er gjørdur um fiskiskapin. Men eingin fiskiveiðiavtala er gjørd fyri 2021.

Nakrir fundur hava verið, men nú et steðgur komin í.

Føroysk skip plagdu at fiska makrel í bretskum sjógvi fyrst í árinum, men tað ber ikki til nú, tá sáttmálin við ES ikki longur er galdandi fyri Bretland.

Og Føroyar og ES hava heldur ikki gjørt fiskiveiðiavtalu fyri 2021.