Hulda Meliora skúgvaði allan iva til viks

Hulda Meliora vann eisini 2. steypakappingina í estetiskum fimleiki, sum var í Bylgjuni um vikuskiftið. 

Spenningurin var stórur undan kappingini, tí munurin millum Huldu Meliora og Huldu - bæði úr Havnar Fimleikafelag - var sera lítil í fyrru steypakappingini fyri einum mánaði síðan.

Men Hulda Meliora, sum er mannað við eitt sindur royndari fimleikarum, gjørdi bart, og vann aftur hesaferð. 

 - Vit væntaðu í roynd og veru, at tað fór at vera rættiliga javnt, so vit eru sera glaðar fyri sigurin, sigur Ásvør Lognberg, venjari hjá Huldu Meliora.