Spógvin lýstur til sølu

Spógvin, sum varð keyptur til Strandferðsluna at røkja m.a. Hestleiðina, verður nú lýstur til sølu.

Hann var í rakstri, til í mai í í fjør. 

Meðan Spógvin hevur ligið við bryggju, hava motorarnir verið settir í gongd við jøvnum millumbilum, sigur Strandferðslan í lýsingini.

Báturin verður seldur í tí standi, hann er í.

Spógvin verður seldur fyri hægsta boð yvir 250.000 kr., og seinasta freist at bjóða er fríggjadagin 26. mars á middegi.

Spógvin liggur í løtuni í Skopun, og kann sýnast har eftir avtalu, sigur Strandferðslan.