Spógvin verður seldur við tapi

Spógvin verður sannlíkt seldur við tapi fyri landskassan.

Strandfaraskip landsins keyptu Alpha Pilot úr Klaksvík fyri 400.000 kr. fyri tveimum árum síðani.

Síðani vórðu brúktar 270.000 kr. til at rigga hann til Hestsiglingina.

Nú verður Spógvin seldur fyri hægsta boð yvir 250.000 kr.

Spógvin byrjaði at sigla millum Gomlurætt og Hest 2.apríl í 2019 og sigldi til í mai í fjør. 

Síðani hevur hann ligið í Skopun.