Heldur fram sum dekanur á Námsvísindadeildini

Erla Olsen heldur fram sum dekanur á Námsvísindadeildini á Fróðskaparsetrinum í trý ár aftrat.

Tað hava rektarin og stýrið fyri Fróðskaparsetrið gjørt av.

Starvið varð lýst leyst, og bara ein umsókn var til starvið.

Erla Olsen hevur verið dekanur í trý ár, og nýggja skeiðið verður eisini trý ár, frá 1. apríl í ar til 31. mars í 2024.

320 lesandi

Erla Olsen hevur seinasta árið arbeitt saman við leiðsluni á Setrinum at menna Námsvísindadeildina. Hon heldur fram við arbeiðnum saman við nýggja leiðslutoyminum á deildini, har tveir varadekanar eru fyri ávikavist námsfrøðina og læraraútbúgvingina, sigur Fróðskaparsetrið.

Á Námsvísindadeildini, har bæði lærarar og námsfrøðingar verða útbúnir, eru nøkur og 30 starvsfólk og 320 lesandi.