Ukrainski venjarin hevði koronu

Tá ukrainska landsliðið kom til Vágar fríggjadagin, fekk venjarin staðfest koronu.

Kortini spældi landsliðið móti føroyingum sunnudagin.

Tað varð mett, at eingin vandi var fyri, at venjarin hevði smittað spælararnar, sigur Lars Fodgaard Møller, landslækni. 

Einki samband

Tætt samband hevur ikki verið millum venjaran og spælararnar, sum hann hevur kunnað smittað, sigur Lars Fodgaard Møller.

Smittaði landsliðvenjarin sat fyri seg sjálvan í flogfarinum, og tí er heldur eingin annar koyrdur í sóttarhald í sambandi við, at hann fekk staðfest koronu.

Lars Fodgaard Møller vil ikki siga, um spælararnir hava havt samband við venjaran, áðrenn farið var í flogfarið.

Landslæknin sigur, at hann vil ikki gera viðmerkingar til einstøk mál