Kjos stovnar nýtt flogfelag í Noregi

Ein norskur íleggjari hevur stovnað eitt flogfelag í Noregi, hvørs navn líkist nógv tí á føroyska flogfelagnum.

Navnið á nýggja flogfelagnum er Norse Atlantic Airways, skrivar norska blaðið, Dagens Næringsliv.

Tað er norski íleggjarin, Bjørn Tore Larsen, ið saman við tveimum øðrum íleggjarum hevur stovnað nýggja flogfelagið.

Rætta løtan

- Hetta er rætta løtan at byrja eitt flogfelag, ið skal flúgva millum heimspartar, sigur Bjørn Kjos, íleggjari og fyrrverandi stjóri í Norwegian, við Dagens Næringsliv.

Norse Atlantic Airways fer í fyrsta umfari at flúgva millum Evropa og USA. Flogfelagið fer eftir ætlan at flúgva fyrstu túrarnar í desember í ár.

Felagið hevur longu gjørt avtalu um at leiga níggju flogfør, og ætlar sær tilsamans 12 flogfør til flúgvingina.

Partapeningurin í nýggja flogfelagnum er 150 milliónir krónur.