7,7 kilometrar boraðir í Sandoyartunlinum

Nú eru tilsamans 7.682 av tilsamans 10.785 metrum boraðir í Sandoyartunlinum.

Í síðstu viku vórðu boraðir 63 metrar; 41 metrar sandoyarmegin og 22 metrar streymoyarmegin.

Í prosentum svarar hetta til, at 71,2 prosent av samlaðu longdini nú er borað.

Sandoyartunnilin verður longsti tunnilin í Føroyum, og eftir ætlan verður koyrandi í tunlinum í desember 2023. Mett verður, at 300 - 400 bilar fara at koyra í tunlinum um samdøgrið

Gongst sum ætlað, verður seinasta skotið í Sandoyartunlinum latið av síðst í hesum árinum.

Sandoyartunnilin er mettur at kosta 1,3 milliardir krónur.