Spyr um sethúsafígging á bygd

Løgtingið fer í morgin at taka støðu til, um Helgi Abrahamsen, landsstýrismaður, skal svara einum skrivligum fyrispurningi frá Pálli á Reynatúgvu, løgtingsmanni, um setahúsafígging á bygd.

Páll á Reynatúgvu spyr, hvørjar ætlanir landsstýrismaðurin hevur at broyta atgongdina hjá ungum familjum til sethúsafígging á bygd.

Hann spyr eisini, um landsstýrismaðurin heldur tað vera rímiligt, at tað er lættari at fáa lán til dýr hús í størru búplássunum í landinum, enn at sera búgv fyri ein rímiligan penga á bygd.

Trygdin ikki nóg góð

Páll á Reynatúgvu sigur í viðmerkingunum til spurningin, at dømi eru um, at væl gróðursettar familjur við tveimum inntøkum, fáa ikki lán at búseta seg á bygd, við teirri grundgeving, at trygdin fyri at selja ognina aftur er ov veik.

Eru tvær miðalinntøkur ikki nóg góð trygd at útvega sethúsafígging á bygd, mugu orsøkirnar greinast og loysast, sigur Páll á Reynatúgvu.