4.074 fólk eru liðugt koppsett

Koppsetingin fyri koronu er nú tikin uppaftur, og í gjár vórðu tilsamans 232 fólk koppsett.

198 fólk fingu fyrra prikið, og 34 fingu seinna prikið, siga heilsumyndugleikarnir.

Talan var um fólk, sum eru 85 ár og eldri.

Í Sandoynni

Eitt koppsetingarlið frá Sjúkrahúsverkinum var í gjár eisini í Sandoynni og koppsetti fólk, sum eru eldri enn 65 ár, og sum fáa persónliga røkt.

Nú eru tilsamans 9.660 koppsetingar gjørdar í Føroyum.

5.586 eru koppsett fyrru ferð. 4.074 hava fingið seinna prikið, og eru liðugt koppsett.