Hildibjartur Hansen gevur út nýtt lag

Várið gevur megi eitur nýtt lag, sum Hildibjartur Hansen gevur út. Hildibjartur hevur verið tónleikari síðani 70'ini, kortini er hetta hansara fyrsta útgáva yvirhøvur. Mourits Mohr Joensen hevur skrivað tekstin, og sonur Hildibjart, Sámal Hansen, leggur rødd til. Lagið hevur Hildibjartur gjørt í 2002. Tað varð fyrstu ferð framført instrumentalt á einari guitarkonsert í Norðurlandahúsinum í august 2002. Barna- og ungdómsvinurin Mourits Mohr Joensen hevur skrivað yrkingina í juni 2009. Fyri at fáa lag og yrking til at ganga upp í eina hægri eind, varð yrkingin stytt og tillagað tilsvarandi. Lagið er innspælt í studio hjá Brandur Jakobsen á Hvítanesi, har Hildibjartur og Brandu báðir hava lagt lagið til rættis.
Tónleikarar eru:
Sámal Hildibjartsson Hansen, sang og kór
Margretha Højgaard Poulsen, kór
Hildibjartur Hansen, akk. og el guitar
Brandur Jakobsen, trummur
Eyðun Johannesen, bass
Magnus Johannesen og Hans Poulsen, tangentar
Framleitt: Hans Pouslen, Introvert Studio í Runavik
Hoyr prát við Hildibjart. Hoyr eisini nýggja lagið her.