Grønland stongt líka til fyrst í mai

Ætlanin var, at fólk kundu koma aftur til flogvøllin Kangerlussuaq í Grønlandi 18. apríl, men nú eru tey tiltøkini longd til 2. mai.

Stongt bleiv millum jól og nýggjárs. 

Tað merkir, at koronaráðið skal góðkenna øll, sum koma til Grønlands, til 2. mai í staðin fyri 18. apríl.

Flokkarnir í Grønlandi hava góðkent, at tiltøkini verða longd í tvær vikur. 

Orsøkin er óvissan um vaksinur. 

Onnur tiltøk linkað

Men í Grønlandi annars verða tiltøkini linkað.

Nú kunnu ikki fleiri enn 250 fólk koma saman uttandura.

Frá 19. apríl er eingin avmarking í so máta. 

Innandura mugu í mesta lagi 100 fólk koma saman.

Hetta verður eisini broytt 19. apríl.

Men tá mugu hølini hava helvtina av tí fólkatali, tey eru góðkend at hava.

Er eitt høli góðkent til 200 fólk, kunnu 100 vera inni í senn.

Sleppa at innanlands

Eisini verður loyvt at fara um kommunumark fyri at vera við í tiltøkum. Sum nú er, ber bara til at fara til ávísar býir í slíkum ørindum.

Í Grønlandi hava 7,5 prosent av fólkatalinum fingið bæði prikini fyri koronu. Øll hava fingið vaksinuna frá Pfizer/Biontech. 

Í Grønlandi hava 31 fólk fingið koronu, og 31 eru vorðin frísk.

Slakar 21.000 kanningar eru gjørdar.