Alibátur hjá Bakkafrosti í Hovi sokkin

Alibátur hjá Bakkafrosti í Hovi sokkin
Eingin fólkaskaði var, tá ein alibátur hjá Bakkafrosti sakk í morgun
Alibáturin hjá Bakkafrosti, sum sakk úti fyri Porkerisnes
Mynd: Bakkafrost  
 
08.04.2021 - 12:29

(dagførd kl. 15.47)

Alibáturin, Krossteinur, sum er 11 metrar langur og 5 metrar breiður, hoyrir til alibrúkið hjá Bakkafrosti í Hovi. Óhappið hendi hálvan fjórðing út fyri Porkerisnesi, millum Hovsfjørð og Vágsfjørð.

 

Eldur kom í alibátin, sum var á veg úr Hovi suður til Vágs.

Ein annar alibátur, Stórafles, var á leiðini og fór til hjálpar. Fyrst var roynt at sleipa, men seinni varð endin sleptur og menninir tiknir av Krossteini. Krossteinur tók tá sjógv inn og hevði fingið slagsíðu. Brimil og Skarvanes fóru á leiðina, men tá var Krossteinur sokkin, skrivar Vørn.

Manningin umborð á Krossteini hevur tað gott eftir umstøðunum og hevur fingið tilboð um kreppuhjálp.

Krossteinur liggur á 60 til 70 metrar dýpi, og støða er ikki tikin til, um báturin verður tikin upp aftur, sigur Regin Jacobsen, stjóri á Bakkafrosti.

Er kopiera
Nýggjastu sendingar í ÚV
Fríggjadag 23. mai
RagnarRokk: Mr.Lordi um Limited Deadition
192292
Fríggjadag 23. mai
Morgunlestur fríggjadagur 23.mai 2025
192149
Hósdag 22. mai
RagnarRokk 22.mai 2025
191036
Hósdag 22. mai
«Biðið, og tit skulu fáa»
192240
Nýggjastu sendingar í SV
Fríggjadag 23. mai
Dagur og vika - teknmálstulkað
192266
Mikudag 21. mai
Eftir Vørðunum - teknmálstulkað
192195
Mikudag 21. mai
KAKUMiKS (2:7) - teknmálstulkað
192190
Mikudag 21. mai
Dagur og vika - teknmálstulkað
192158
Týsdag 20. mai
Veðrið
192138