- Tíðindi, mentan og ítróttur
H71 og Neistin skulu prógva sítt virði
![](https://kvf.fo/sites/default/files/styles/grein-ovasta-mynd/public/vif_mynd_1.jpg?itok=kbFEZuwt)
Aðru FM-finalurnar í hondbólti hjá bæði kvinnum og monnum verða spældar í dag.
Í Hoyvík tekur steypavinnarin, H71, ímóti VÍF, og hoyvíkingar hava nógv at prógva. Í fyrstu finaluni í Vestmanna sunnudagin vunnu vestmenningar greiðan sigur, 26-21, og tí er ávíst trýst á H71.
Hjá kvinnum skal Neistin inn á Skála at spæla ímóti StÍF. Strandingar vunnu eina sera spennandi finalu við einum málið seinast, og lagt er upp til ein branddyst.
Japanski stórspælarin hjá StÍF, Haruka Gima, fór út við einum skaða sunnudagin, og sum skilst er ivasamt, um hon spælir í kvøld.
Dysturin á Skála byrjar klokkan 18.00, og í Hoyvík byrjar dysturin klokkan 20.00. Kringvarpið vísir H71-VÍF beinleiðis í sjónvarpinum frá klokkan 19.50.