Grava út fyri lívfiskastøðini

Nú verður grivið út fyri lívfiskastøðini í Skálavík.

Økið, har lívfiskastøðin skal vera, er umleið 20.000 fermetrar.

Roknað verður við, at tað fer at taka umleið hálvt ár at gera økið byggibúgvið.

Arbeiðið hevur drigið út.

Yvirfriðingarnevndin vildi hava Bakkafrost at gera tillagingar í verkætlanini. Endaliga byggiloyvið kom 11. februar.

Millum 20 og 25 fólk fara at arbeiða á lívfiskastøðini í Skálavík, tá hon er liðug.