Landsbankin: Vinnan og húsarhald væl fyri

Bæði vinnan og húsarhaldini í Føroyum eru væl fyri fíggjarliga, hóast korona nú hevur herjað í meira enn eitt ár.

Landsbankin hevur gjørt ársfrágeiðing um fíggarligt støðufesti í 2020.

Síðani 2008 er eginognin hjá føroysku fyritøkunum vaksin skjótari enn skuldin, so skuldin nú í miðal fyri allar fyritøkurnar er minni enn eginognin. 

Føroyska vinnan var tí sum heild væl fyri til at taka ein tílíkan stoyt, sum Covid-19 var. 

Skylda lítið

Korona er tó ikki hasað av enn. Øktar fiskagoymslur og óvissan kunnu gera, at minni fæst fyri útflutningin í 2021. 

Húsarhaldini er eisini væl fyri fíggjarliga. Flestu húskini í Føroyum skylda lítið.

93 prosent skylda minni enn tríggjar ferðir árligu inntøkuna, sjey prosent skylda upp móti fimm ferðir árligu inntøkuna, sigur Landsbankin.