- Tíðindi, mentan og ítróttur
Tilbúgvingarlógin kemur ikki aftur úr nevnd
Tilbúgvingarlógin kemur ikki aftur úr nevnd
Uppskotið fór aftur í Vinnunevndina fríggjadagin í síðstu viku
![](https://kvf.fo/sites/default/files/styles/grein-ovasta-mynd/public/tilbugv.jpg?itok=7AChFj7K)
Sambært teimum, sum vildu hava málið aftur í nevnd, hevur landsstýrismaðurin ikki tikið kommunurnar við uppá ráð, tá hann gjørdi uppskotið
Mynd: Gilli Brend í Hoyvík
29.04.2021 - 14:47
Uppskotið um at broyta tilbúgvingarlógina kemur ikki aftur í tingið í hesum umfari.
Uppskotið fór aftur í Vinnunevndina fríggjadagin í síðstu viku.
Millum annað nøkur tingfólk hjá samgonguni vildu hava málið aftur í nevnd.
Jacob Vestergaard, landsstýrismaður, eigur uppskotið.
Ikki tikin við upp á ráð
Sambært teimum, sum vildu hava málið aftur í nevnd, hevur landsstýrismaðurin ikki tikið kommunurnar við uppá ráð, tá hann gjørdi uppskotið.
Uppskotið er millum annað at skipa eina felags vaktarmiðstøð, sum kommunurnar skulu eiga og reka.
Bjørt Samuelsen, forkvinna í Vinnunevndini, sigur, at haðani kemur málið ikki í dag.
Og hetta er seinasti tingdagur í hesum umfarinum.
Nýggjastu sendingar í ÚV
Nýggjastu sendingar í SV