Stúra fyri, at ríkir útlendingar keypa tóm hús

Í Svínoy stúra tey fyri, at ferðavinnan kann yvirtaka alt lívið í oynni, og tað vilja tey sleppa undan.

Á ferðavinnufundi, sum svínoyingar í farnu viku hildu saman við Útoyggjafelagnum og umboði fyri kunningarstovuna í Klaksvík, kom fram, at tey serliga óttast fyri, at ríkir útlendingar fara at keypa tóm hús upp í bygdini.

Um einar tvær vikur verður fundur aftur í Svínoy, har arbeitt verður víðari við framtíðar ferðavinnuni í oynni.

Hoyr innslag í útvarpstíðindunum og samrøðu við Óla á Geilini, sum Grækaris Djurhuus Magnussen gjørdi.