- Tíðindi, mentan og ítróttur
Sleppa undan at fara í heimauppihald
Sleppa undan at fara í heimauppihald
Danska ferðavegleiðingin verður linkað, og nú verður heldur ikki kravt, at ferðafólk skulu hava eitt viðurkent endamál við ferðini
Hóast krøvini verða linkað, verður tað framvegis eitt krav, at ferðafólk lata seg kanna fyri koronu í floghavnunum í Danmark
14.05.2021 - 09:25
Skjótt sleppa danir undan at fara í heimauppihald, tá teir koma aftur til Danmarkar.
Tað skriva danskir miðlar fyrrapartin.
Klokkan trý seinnapartin fer danska uttanríkisráðið at linka ferðavegleiðina.
Tá verður latið upp fyri, at fólk kunnu ferðast í fleiri evropeiskum londum, uttan at noyðast í heimauppihald.
Samstundis verður kravið strikað, um at fólk, sum ferðast til Danmarkar, skulu hava eitt viðurkent endamál við ferðini.
Men tað verður framvegis sett sum treyt, at fólk kanna seg fyri koronu í floghavnunum í Danmark.
Roknað verður eisini við, at danir kunnu ferðast frítt í øllum Evropa frá 26. juni at rokna.
Tey, sum eru koppsett, kunnu ferðast frítt longu nú.
Er kopiera
Nýggjastu sendingar í ÚV
Nýggjastu sendingar í SV
