Revsingin verður ásett í dag

Revsingin verður ásett í dag
Eitt samt nevningating hevur dømt ein 37 ára gamlan mann sekan í drápsroynd
Eitt nevningating hevur viðgjørt málið, og hevur dømt 37 ára gamla mannin sekan í øllum ákærum. Revsingin verður ásett í dag
 
21.05.2021 - 10:31

Í dag fer eitt nevningating at gera av, hvørja revsing 37 ára gamli maðurin, sum er ákærdur fyri drápsroynd, skal hava.

Nevningatingið dømdi í gjár mannin sekan í drápsroynd og fyri at hava vápn og lóður ólógliga hjá sær. Nevningatingið var samt um avgerðina.

Maðurin segði undir rættarmálinum, at hann játtaði seg sekan í ákæruni um vápnini og lóðrið, men segði seg ikki minnast, hvat fór fram tann dagin, skottilburðurin var.

Talan er um ein skottilburð í Miðvági tann 9. desember í 2019.

Dupult drápsroynd

Maðurin varð ákærdur fyri dupulta drápsroynd, tí hann skeyt eftir løgreglufólki, sum vóru komin á staðið. 

Hann skeyt tríggjar ferðir eftir løgreglufólkunum, og seinasta skotið rakti ein løgreglumann. Løgreglumaðurin hugdi niður í tí løtu, skotið brast, og tí endaðu tey flestu høglini í hjálminum, sum hann var í.  Nøkur høgl raktu eisini hjálmin hjá løgreglumanninum, sum stóð aftanfyri.

Sakarmálið byrjaði mánadagin, og nógv vitni eru avhoyrd.

Talan er um nevningating, sum er vanligt, tá kravið um revsing er meira enn fýra ár.

At byrja við vóru átta fólk í nevningatinginum, tí tvey eykafólk verða altíð tilnevnd, um onkur fær forfall. Haraftrat vóru tríggir løgfrøðiligir dómarar.

Tá dómsviðgerðin var liðug um middagsleitið í gjár, fóru seks av nevningunum og løgfrøðiligu dómararnir undir at viðgera tað, sum var komið fram undir rættarmálinum.

Klokkan fimm í gjár var nevningatingið liðugt við viðgerðina, og løtu seinni varð avgerðin løgd fram í rættinum.

Nevningatingið var samt um at døma 37 ára gamla mannin sekan í øllum ákærunum.

Fær revsing í dag

Rættarfundur er aftur í dag, og tá fara nevningarnir og dómararnir at umrøða, hvørja revsing tann ákærdi skal fáa.

Drápsroynd kann geva millum fimm ára og lívlanga fongsulsrevsing.

Undir viðgerðini nevndu verji og ákæri eisini revsingar í øðrum málum, sum hava verið fimm, seks ella átta ár.

Nevningatingið fer at áseta revsingina í dag. 
 

Er kopiera
Nýggjastu sendingar í ÚV
Fríggjadag 16. august
Morgunlestur fríggjadagur 16. august 2024
179080
Hósdag 15. august
RagnarRokk 15.august 2024
177311
Hósdag 15. august
RagnarRokk: Titan Fox um König und Kaiser
177307
Hósdag 15. august
Morgunlestur hósdagur 15. august 2024
179079
Nýggjastu sendingar í SV
Mikudag 14. august
Dagur og vika - teknmálstulkað
179206
Týsdag 13. august
Eg noyðist at lurta
179189
Týsdag 13. august
Veðrið
179177
Mánadag 12. august
Hin rusuti á Aconcagua (7:10)
177967
Fríggjadag 9. august
Veðrið
179049