90 fólk bíða eftir ergoterapi og fysioterapi

90 fólk bíða í løtuni eftir ergoterapiviðgerð og fysioterapiviðgerð á Landssjúkrahúsinum.

Størsta talið eru fólk, sum hava lungnasjúku.

Á Klaksvíkar sjúkrahúsi eru 40 fólk á visitatiónslistanum, sum ikki er ein veruligur bíðilisti, tí onkur sjúklingur skal ikki í viðgerð fyrr enn um tríggjar mánaðir.  Á Suðuroyar sjúkrahúsi eru 50 fólk á bíðilista.

Tað upplýsir Kaj Leo Holm Johannesen, landsstýrismaður, í svari til Johan Dahl, løgtingsmann.

Johan Dahl spurdi, hvussu nógv fólk bíða eftir rehalibitering. Hann spurdi eisini, um øll rehabilitering í Føroyum verður skipað í ein depil.

Tað er ikki ætlanin, svarar landsstýrismaðurin.

Sjúkrahúsverkið er sjálvt í ferð við at menna endurvenjingina, so endurvenjingin, ella rehalibiteringin, verður styrkt á øllum trimum sjúkrahúsunum.