Fara nú at bjarga Hellutanga

Arbeiðið at bjarga fóðurflakanum, Hellutanga, byrjar í dag, skrivar Vágaportalurin.

Tað er kyrt á Víkum í dag, og tí eru kavarar og onnur farin á staðið norðantil í Vágum, har fóðurflakin Hellutangi fór á land í apríl.

Atli Gregersen, sjóri í Luna, sum eigur flakan, sigur við Vágaportalin, at tað verður eitt drúgt arbeiði at fáa Hellutanga aftur at flóta.

- Luft skal pumpast í rúmini undir dekkinum og soleiðis seta trýst á, og vónandi fáa sjógvin úr og flakan at flóta, sigur Atli Gregersen.

Fyri at tað skal eydnast, verður dekkið eisini eyka styrkt, sigur hann við Vágaportalin.

Atli Gregersen sigur, at tað er stórarbeiði, sum nú byrjar, og hann veit ikki, nær arbeiðið verður liðugt, og Hellutangi kann fáast burtur.

Ongin fiskur verður settur út á Víkum í ár.