- Tíðindi, mentan og ítróttur
Stendur framvegis í botni
Stendur framvegis í botni
Skrivligt samskifti hevur verið millum Pedagogfelagið og KAF, sum tó einki hevur frætt aftur frá pedagogunum
![](https://kvf.fo/sites/default/files/styles/grein-ovasta-mynd/public/vlcsnap-2021-06-01-11h52m56s133.png?itok=9zDt0P_M)
Í gjár var arbeiðssteðgur á vøggustovunum, og í dag eru pedagogar í verkfalli á vardum verkstøðum undir Almannaverkinum
04.06.2021 - 13:33
Einki røkist fyri eini loysn í sáttmálatrætuni millum Pedagogfelagið og arbeiðsgevararnar.
Anita Fuglø, samráðingarleiðari hjá kommunalu arbeiðsgevarunum, sigur í stuttari viðmerking, at partarnir hava havt skrivligt samskifti, men at tey hava einki frætt frá Pedagogfelagnum, síðani arbeiðssteðgurin byrjaði í gjár.
Arbeiðssteðgur var lýstur fyri allar limir í Pedagogfelagnum í gjár á øllum vøggustovunum í 24 tímar, og í dag rakar arbeiðssteðgurin vard verkstøð undir Almannaverkinum í 24 tímar, til í morgin ári klokkan sjey.
Jógvan Philbrow, formaður í Pedagogfelagnum, vil ikki siga, um fleiri arbeiðssteðgir verða lýstir í næstu viku.
Felagið arbeiðir ikki við nýggjum uppskoti um semju, sigur Jógvan Philbrow.
Nýggjastu sendingar í ÚV
Nýggjastu sendingar í SV