Álit skal kanna tørvin á forskúla

Kjak hevur í seinastuni tikið seg upp fyri og ímóti forskúla í kommununi og 
tí tók Eyðstein Ólason Poulsen, býráðslimur og formaður í trivnaðarnevnini børn og ung stig til, at fáa gjørt eitt álit um forskúlar, sum skal liggja til grund fyri tí avgerðini, sum man einaferð tekur.  Kommunan skal komandi árini gera stórar íløgur í bæði dagstovnaøkið og á Skúlatrøð, har tilgongdin at fyrireika og fremja 2. og 3. byggistig longu er byrjað.