- Tíðindi, mentan og ítróttur
Semingsstovnurin tosað við pedagogar og KAF
Semingsstovnurin tosað við pedagogar og KAF
Enn er ógreitt, um samráðingarnar verða tiknar uppaftur
Jógvan Philbrow, formaður í Pedagogfelagnum, í samrøðu við Bárð á Steig Nielsen, løgmann, uttan fyri tinghúsið fyrrapartin
Mynd: Bjarni Árting Rubeksen
16.06.2021 - 17:00
Semingsstovunurin hevur tosað við bæði Pedagogfelagið og Kommunala arbeiðsgevarafelagið.
Tað vátta báðir partar.
Mánadagin var Semingsstovunurin á vitjan hjá Pedagogfelagnum fyri at kanna møguleikan fyri samráðingum.
- Men vit høvdu einki nýtt at siga, sigur Jógvan Philbrow, formaður í Pedagogfelagnum.
Og í dag hevur semingssstovunurin tosað við kommunalu arbeiðsgevararnar, fyri at kanna, um grundarlag er fyri samráðingum, og um partarnir hava flutt seg.
Tað váttar Anita Fuglø, samráðingarleiðari hjá KAF.
- Vit taka undir við samráðingum, um semingsstovunurin heldur, at grundarlag er fyri tí, sigur Anita Fuglø.
Hon vil ikki siga, um partarnir hava flutt seg, men - "vit hava altíð okkurt at tosa um," sigur hon.
Enn hava tey ikki frætt, um nøkur semingsroynd er í ljósmála.
Anita Fuglø er samráðingarleiðari hjá Kommunala arbeiðsgevarafelagnum.Mynd: Bjarni Árting Rubeksen
Er kopiera
Nýggjastu sendingar í ÚV
Nýggjastu sendingar í SV
