Gevast at kanna við markið 1. august

1. august skulu fólk, sum koma til Føroya ikki longur kannast fyri koronu tá ið tey koma. Tað hevur farsóttarnevndin avgjørt.

Tað merkir, at øll, sum koma til Føroya loftvegis ella sjóvegis eftir 31.juli ikki longur skulu lata seg kanna. Yvirskipaða metingin er,  at tað er ráðiligt at sleppa hesum kravinum tá, tí við núverandi gongd metir farsóttarnevndin, at so nógv fólk eru koppsett í Føroyum 1. august, at talan er um floksimunitet, sigur Michael Boolsen, fúti og formaður í farsóttarnevndini.