KÍ sigur - NSÍ javnleikur

KÍ og NSÍ spældu í dag sínar fyrstu dystir í ár í UEFA Conference League kappingini, og sigast kann ikki annað enn, at tað gekk væl. 

KÍ vann ein uppibornan 3-2 sigur á Riga FS í Lettland, hóast KÍ-leikararnir vóru undir stórum trýsti síðstu løtuna. 

KÍ legði seg á odda í 21. minutti við einum máli, sum Bubacarr (Bob) Sumareh skeyt. Páll Klettskarð gjørdi tað til 2-0 í 33. minutti við einum hegnisligum skoti úr 16 metrum. 

Riga FS kom afturíaftur í seinna hálvleiki, tá Ziga Lipuscek minkaði um munin í 50. minutti. 

Heini Vatnsdal skoraði til 3-1 í 70. minutti, áðrenn Arturs Zjuzins aftur minkaði um munin til endaliga úrslitið 3-2 til KÍ. 

NSÍ fekk javnleik

NSÍ var í Finnlandi og spældi móti Honka. Og tá 90 minuttir vóru spælir, stóð framvegis 0-0 á máltalvuni. 

Úr NSÍ-leguni frættist, at finsku áskoðararnir vóru alt annað enn nøgdir við sítt lið, tá dómarin bríkslaði dystin av, meðan tað var fagnaður í NSÍ-leguni. 

Sum skilst, var finska liðið var oman á í dystinum, men NSÍ-leikararnir stríddust manniliga, og so hevði Karstin Hansen ein góðan dag í NSÍ-málinum. 

Seinni dysturin verður spældur hósdagin í næstu viku, tá NSÍ spælir móti Honka á Svangaskarði, og KÍ skal fyri fyrstu ferð nakrantíð spæla evropiskan dyst á heimavølli við Djúpumýru.