Gongur ov seint at koppseta sjófólk

Tað gongur ov seint at koppseta sjófólk á handilsskipum fyri koronu, og tað kann fáa álvarsligar avleiðingar fyri heimsins skipaflutning. Tað sigur formaðurin í ICS, sum er altjóða felagsskapurin fyri handilsskip, Esben Poulsson, við Bloomberg.

Koppsetingin gongur ikki nóg skjótt til at steðga smittuni í at breiða seg umborð á skipum, og tað setir sjófólk í vanda, samstundis sum tað tarnar skipaferðsluni og í síðsta enda eisini forðar búskapinum í at koma fyri seg aftur.

Í síðstu viku kallaði Esben Poulsson støðuna fyri "The perfect storm".