- Tíðindi, mentan og ítróttur
Drotningavitjanin í Grønlandi avlýst vegna koronastøðuna
Drotningavitjanin í Grønlandi avlýst vegna koronastøðuna
Grønlendingar fáa ikki vitjan av drotningini, tí ferðin er útsett eftir ynski frá grønlendska landsstýrisformanninum
![](https://kvf.fo/sites/default/files/styles/grein-ovasta-mynd/public/drotningavitjanin_dagur_04-25.jpg?itok=LDDs85cj)
Mynd: Bjarni Árting Rubeksen
20.07.2021 - 13:15
Í løtuni eru 29 fólk smittað við koronu í Grønlandi, og tað hevur fingið grønlendska landsstýrisformannin at heita á kongshúsið, um at útseta ætlaðu drotningavitjanina. Og tað hevur kongshúsið nú gjørt.
Kongshúsið skrivar á heimasíðuni:
"Grønland hevur havt fleiri tilburðir av covid-19 seinastu tíðina, og myndugleikarnir hava gjørt avmarkingar í sambandi við ferðir og forsamlingar. Í tí sambandi hevur grønlendski landsstýrisformaðurin biðið Kongshúsið um at útseta ferðina til seinni."
Sambært kongshúsinum, so sigur drotningin seg skilja støðuna og vóna, at hon kann koma á vitjan í Grønlandi seinni.
Drotningin fór annars í gjár heimaftur eftir almenna vitjanina í Føroyum.
Nýggjastu sendingar í ÚV
Nýggjastu sendingar í SV