Kravgonga um føroyskan lofteftirlitisradara

Kravið er fólkaræði og føroyskar loysnir.

Seinnapartin í dag klokkan fimm verður tiltak á Speakers Corner á Vaglinum í Havn um radaramálið.

Tiltakið eitur kravgonga fyri fólkaræði og føroyskar loysnir.

Tey, sum skipa fyri, krevja, at uppskotið um lofteftirlitsradaran í Føroyum skal í løgtingið.

Undir føroyskum ræði

Og skal lofteftirlitsradari setast upp í Føroyum, skal hann vera undir føroyskum ræði, og føroyingar skulu manna hann.

Erling Mørkøre, Sámal Petur í Grund og Øssur Patursson halda røðu, og síðani verður orðið frítt.

Tey, sum skipa fyri tiltakinum í dag, eru Øssur Patursson, Bjarni Kárason Petersen, Unga Tjóðveldið, HUXA, Framsøkin ung og Sosialistisk ung.