Skiparar taka ikki við sektaruppskoti

Skiparar taka ikki við sektaruppskoti
Stríðið millum Varðan og Vørn endar í Fiskimálaráðnum
Skipararnir á Gøtunesi, Tummasi T og Tróndi í Gøtu taka ikki av sektaruppskotinum, sum teir fingu frá Vørn.
 
26.07.2021 - 10:22

Skipararnir á uppsjóvarskipunum Tummasi T, Gøtunesi og Tróndi í Gøtu tóku ikki við sektaruppskotunum, sum teir fingu frá Vørn fyri at taka og lata makrel í altjóða sjógvi uttan at biðja um loyvi.

Hvør skipari fekk 150.000 kr. í sektaruppskoti.

Tá ikki verður tikið av einum sektaruppskoti, verða málini latin fútanum.

Fyrr eru trý onnur sektaruppskot latin fyri at umskipa makrel í føroyskum sjógvi. Tey fingu skipararnir á Finni Fríða, Gøtunesi og Tróndi í Gøtu.

Hesi sektaruppskotini vóru 130.000. Bara skiparin á Finni Fríða tók av.

Endar í Fiskimálaráðnum 

Stríðið millum Varðan og Vørn endar í Fiskimálaráðnum.

Varðin ætlar at kæra avgerðina hjá Vørn um, at skipini Tummas T., Gøtunes og Tróndur í Gøtu mistu loyvið at umskipa makrel í føroyskum sjógvi í eina viku.

Varðin heldur uppá, at samsvar er ikki millum kunngerðina, sum kom herfyri um umskiping, og lógina.

Kunngerðin er strangari, tí í henni er bæði talan um at lata og móttaka. Lógin nevnir bara at lata.

Hetta vil Varðin hava Fiskimálaráðið at greina nærri.
     
  
 

Er kopiera
Nýggjastu sendingar í ÚV
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Sunnudag 16. mars
Doktor Sophus (2:3)
189272
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226