Keypa - ikki byggja - skip fyri Tjaldrið

Landsstýrið arbeiðir enn við ætlanini um at keypa skip fyri vaktar- og bjargingarskipið Tjaldrið, sum kom i 1976.

Ætlanin er ikki at byggja skip, men keypa skip.

Í fjør heyst varð upplýst, at settar eru av 80 mió. kr. í 2023 og 2024 til at keypa vaktarskip og gera neyðugar tillagingar og viðlíkahald.

Fiskimálaráðið svaraði Fíggjarnevndini tá, at ætlanin at útvega vaktarskip var ongan veg komin.

Samskifti hevði verið við fólk í vinnuni, sum kunnu standa fyri at keypa skip.