- Tíðindi, mentan og ítróttur
161 fólk blivu koppsett í skúlanum á Giljanesi
161 fólk blivu koppsett í skúlanum á Giljanesi
Borgarstjórarnir á Vágum er væl nøgdir við uppmøtingina, tá tað í gjár varð skipað soleiðis fyri, at fólk kundu blíva koppsett í Skúlanum á Giljanesi
12.08.2021 - 19:23
161 fólk blivu koppsett í skúlanum á Giljanesi í gjár.
99 fólk bóðu um tíð, og 62 stukku inn á gólvið seinnapartin.
Eyð Ellingsgaard, borgarstjóri í Sørvági, og Bjarni Prior, borgarstjóri í Vága kommunu, siga, at tey eru sera væl nøgd við átakið.
Um 21 dagar kemur koppsetingartoymið aftur í Vágar at geva seinna prikið. Tá verður eftir ætlan eisini støkk inn koppseting.
Tveir tilburðir í gjár
Heimasíðan corona.fo skrivar, at í gjár vóru tveir koronatilburðir, og tað vórðu 301 fólk koppsett.
145 fólk fingu fyrra prikið og 156 fólk fingu tað seinna.
Nú hava 35.793 fólk - 67,1 prosent - fingið fyrru koppsetingina. 32.602 fólk hava fingið seinnu koppsetingina, og eru liðugt koppsett.
Tað svarar til 61,1 prosent av samlaða fólkatalinum í Føroyum.
Er kopiera
Nýggjastu sendingar í ÚV
Nýggjastu sendingar í SV
