Føroyskar veðurforsagnir frá 1. november

Ætlanin er, at Veðurstova Føroya (VF) fer at yvirtaka 5-daga veðurforsagnir frá DMI frá 1. nov. 2021.

Fyrst fer VF at gera forsagnirnar gerandisdagar, meðan DMI ger forsagnirnar um kvøldið og næturnar, og so eisini í vikuskiftunum. 

Frá 1. desember er ætlanin at yvirtaka 24-tíma forsøgnina fyri bæði land og havleiðir um dagin gerandisdagar.

Ætlanin er at Veðurstova Føroya fer at senda føroyskar veðurvánir til Kringvarp Føroya og MRCC, og so forsagnir á donskum verða senda til DMI, har tær verða lagdar á dmi.dk.

HOYR SAMRØÐUNA VIÐ ALIX RASMUSSEN, VEÐURFRØÐING, SUM ER FORMAÐUR Í VEÐURMENNINGARBÓLKINUM.

SÍ EISNI MYNDAREPORTASJUNA: EIN VEÐURBALLÓN VERÐUR SEND AVSTAÐ