Suðuroyartunnilin: Nógvar kanningar eftir at gera

Suðuroyartunnilin: Nógvar kanningar eftir at gera
Enn er ov tíðliga at siga, um tað verður koyrandi í tunlinum í 2030, sigur Jørgen Niclasen, landsstýrismaður
Enn er ógreitt, nær klárt verður at bora Suðuroyartunnilin, men miðað verður eftir, at síðstu forkanningarnar og fyrireikingarnar verða gjørdar næsta ár.
 
16.08.2021 - 14:50

Politiska ætlanin er, at tað verður koyrandi í Suðuroyartunlinum í 2030. Men enn er ov tíðliga at siga við vissu, um tann ætlanin heldur.

Tað sigur Jørgen Niclasen, landsstýrismaður í samferðslumálum, sum hevur svarað einum fyrispurningi frá Sirið Stenberg, løgtingskvinnu.

Jørgen Niclasen sigur, at enn er støða ikki tikin til, nær flokkarnir verða kallaðir saman at viðgera verkætlanina um Suðuroyartunnilin. Fleiri viðurskifti kunnu illa viðgerast, fyrr enn fleiri forkanningar og fyrireikingar eru gjørdar, og ein trygdarmeting er gjørd av tunlinum.

Undankanningarnar og fyrireikingarnar í sambandi við Suðuroyartunnilin ganga eftir ætlan. Kanningarnar eru ikki liðugt greinaðar enn. Neyðugt verður at kanna úrslitini betur og at kanna úrslitini frá jarðfrøðiligu kanningunum í fjør og í ár saman.

Búskaparligi parturin

Arbeitt verður eisini við at kanna búskaparliga partin av verkætlanini við samfelagsligum-, kostnyttu- og CO2-greiningum. Ætlanin er eisini at kanna møguligar fíggingarleistir. Í sambandi við tunnilin er eisini neyðugt at gera eina trygdarmeting (váðameting), náttúru- og fornfrøðikanningar, og ætlan er eisini at byrja tað arbeiðið í ár, sigur Jørgen Niclasen.

Jørgen Niclasen, landsstýrismaður í samferðslumálum.

Tað ber ikki til at siga við vissu, nær klárt verður at bora Suðuroyartunnilin. Tað veldst um kanningarnar, sum eru eftir at gera, og hvussu tað fera at ganga at fíggja verkætlanina og at projektera tunnilin.

Fimm milliónir kr. eru settar av til forkanningar og fyrireikingar, og landsstýrið hevur á langtíðarløguætlanini sett 100 milliónir. kr. av um árið frá 2025 til partafelagið, ið eftir ætlan skal standa fyri verkætlanini, sigur Jørgen Niclasen í svarinum til Sirið Stenberg.

Sirið Stenberg, løgtingskvinna, hevur spurt um Suðuroyartunnilin.

 

 

Er kopiera
Nýggjastu sendingar í ÚV
Leygardag 31. mai
Vikan 31. mai 2025
192633
Leygardag 31. mai
Morgunlestur leygardagur 31.mai 2025
192277
Leygardag 31. mai
Upp á tá - 300525
192624
Fríggjadag 30. mai
Vikuskiftið 30. mei 2025
192617
Nýggjastu sendingar í SV
Fríggjadag 30. mai
Veðrið
192615
Hósdag 29. mai
Andakt við Pól Johannesen
192558
Hósdag 29. mai
Guðstænasta úr Eiðis kirkju
192552
Mikudag 28. mai
Ein dagur í Nuuk - teknmálstulkað
192506
Mikudag 28. mai
Dagur og vika - teknmálstulkað
192491